Banka e Shqipërisë fton të gjithë të interesuarit të marrin pjesë në konkursin “Çmimi i Guvernatorit për Diplomën më të Mirë për vitin 2026”, dedikuar studentëve shqiptarë të diplomuar gjatë periudhës tetor 2025 – tetor 2026, brenda dhe jashtë vendit. Konkursi është i hapur për punë shkencore që trajtojnë çështjet e ekonomiksit monetar e ndërkombëtar, stabilitetit financiar, çështje të integrimit ekonomik të vendeve të Ballkanit në Evropë, politikën monetare dhe politikat makroprudenciale të Bankës së Shqipërisë, politikat fiskale dhe rolin e tyre në ekonomi, sistemin bankar shqiptar, sjelljet e individëve dhe firmave në Shqipëri, si dhe aspekte të ekonomisë në përgjithësi.
Çmimet
Banka e Shqipërisë e ka vendosur dhe e jep këtë Çmim që prej vitit 2006, sipas ndarjes së mëposhtme:
1. Çmimi i parë 250.000 lekë
2. Çmimi i dytë 200.000 lekë
3. Çmimi i tretë 150.000 lekë
Afati i fundit i dorëzimit të dokumenteve është data 31 tetor 2026
