Nëse jeni nxënës apo studentë dhe keni një ide biznesi individuale a në grup, është ky momenti i duhur: Start-Up City ka hapur aplikimet në edicionin e tij të 4!
Një iniciativë unike për fuqizimin dhe aplikimin e ideve të biznesit nga ana e nxënësve dhe studentëve, Start-Up City vjen si organizim i përbashkët i Universitetit Metropolitan Tirana, Metropolitan Incubator dhe Fakultetit të Ekonomisë, Universiteti i Tiranës.
Për t’u bërë pjesë e StartUp City, aplikantët duhet të dorëzojnë brenda datës 29 prill një prezantim PowerPoint në gjuhën angleze, i cili duhet të përmbajë:
* Problemi – çfarë problemi po zgjidhni apo çfarë nevoje po përmbushni?
* Zgjidhja – Përshkrim i shkurtër i produktit apo shërbimit
* Tregu – madhësia e tregut
* Konkurenca – pozicionimi përballë konkurentëve
* Modeli financiar i biznesit – Si do gjenerohet fitim? Struktura e kostos dhe rrjedhat e të ardhurave
* Ekipi – Skuadra dhe rolet e tyre
* Roadmap – Plani për të ardhmen
* Call to Action – Çfarë nevoje keni?
–
Prezantimi në PowerPoint duhet dërguar në adresën e email [email protected] deri në 29 Prill. Koha e Prezantimit për secilën ide do të jetë 5 minuta shoqëruar me 3 minuta Q&A nga juria.
